Drejtuesja politike e Partisë Socialiste në Tiranë për zgjedhjet e 11 Majit, Ogerta Manastirliu ka marrë e para fjalën në takimin e fundit të fushatës së PS në Tiranë.
Manasterliu ftoi të gjithë të rinjtë që në zgjedhjet e së dielës të votojnë Partinë Socialiste.
Pjesë nga fjala e Ogerta Manasterliut:
Ftoj të na bashkohen edhe më shumë qytetarët për punët që do bëjmë 4 vjetët e ardhshme. Tirana ka folur këtë fushatë përmes zërave të të rinjve, votuesve për herë të parë që besojnë në vizionin e Shqipërisë europiane. Tirana ka folur përmes fuqisë së grave dhe vajzave që i kanë dhënë zemrën kësaj fushate.
Tirana ka folur me qytetarët, me besimin për të sotmen dhe të ardhmen e Shqipërisë Europiane me Edi Ramën dhe PS. Me skuadrën fituese kemi qenë në çdo cep për të thënë se 11 maj nuk është thjeshtë një ditë e zgjedhjeve të radhës, por një ditë historike ku duhet të bëhemi bashkë me socialistë, progresistë që besojmë te kjo punë. Çdo punë e mirë bëhet në skuadër.
