Pasi sulmoi mediat dhe gazetarët nga takimi me pensionistët në Korçë, kryeministri Edi Rama i cilësoi këta të fundit si analistët më të mirë në vend.
Kreu i qeverisë komentoi stereotipin se pensionistët votojnë PS se janë komunistë, duke thënë që nuk është e vërtetë, pasi ata votojnë socialistët pasi punojnë.
“Kemi një moment historik ku rrethanat janë përgatitur, yjet janë bërë bashkë që ne ta ngremë flamurin tonë në Bruksel. Futemi në një familje, ku çdo anëtar i familjes nuk lëviz dot shumë. Popujt e kësaj familjeje kanë disa garanci që nuk i ka asnjë popull tjetër. Sot jemi me hijen e Sudes. Vetëm përqendrohuni dhe mendoheni, ka njerëz që mendojnë se pensionistët votojnë PS se janë komunistë. Nuk është kështu. Ata votojnë PS se janë analistët më të mirë të politikës. Ata e dinë shumë mirë se çfarë është puna, si krijohet e mira me punë dhe sa e vështirë është. Nuk jeni të shkollës ku aritmetika “7*7=42”. Kur t’ju dalë në TV mos harroni që ju flet Sudja me zë dhe fytyrë të ndryshme”,-tha Rama./Opinion.al
