TIRANË-Ministri i Brendshëm ka folur për herë të parë për rrezikun që mund të na kanoset nga ISIS në një kohë kur janë shtuar dukshëm masat e sigurisë, të paktën në kryeqytet. “Shqipëria nuk është vend imun nga rreziku, por të gjitha të dhënat nuk lënë vend për panik. Duhet të evitojmë në maksimum panikun e panevojshëm. Strukturat janë në punë. Po bashkëpunojmë me partnerët.
Nuk ka rrezik të shtuar, por vetëm kujdes e vëmendje ashtu si të gjitha vendet partnere. Po vazhdojmë përpjekjet tona për ta bërë vendin më të sigurtë. Këto janë masa të shtuara të Policisë së Shtetit, për të garantuar sigurinë në vend”, tha ministri Tahiri.
