Tahiri-policëve të rinj: Beteja jonë me injorantët, paaftësinë

Ministri i Brendshëm Saimir Tahiri ka marrë pjesë në ceremoninë e fillimit të kursit Bazë të Patrullës së Përgjithshme në Akademinë e Sigurisë.
Në fjalën e tij Ministri Tahiri deklaroi se rruga që 300 kadetët e rinj kanë zgjedhur nuk do të jetë e lehtë pasi krimi në Shqipëri nuk është e vetmja e keqe.
‘’Ligji ka shume armiq në këtë vend. E drejta ka shume armiq. Mjafton të shikosh të përditshmen dhe të kuptosh sa janë ata që nuk duan Shqipërinë më të siguritë dhe më të drejtë dhe kush janë ata që nuk e duan Policinë e Shtetit. Rruga do jetë e vështire për t’i shërbyer qytetareve duke luftuar ata që shkelin ligjin dhe ata që flasin dhe ndihmojnë ata që shkelin ligjin’’ tha ministri Tahiri
Sipas ministrit Tahiri misioni kryesor i Policisë së Shtetit është ai që ti shërbejë qytetarëve.
‘’Beteja jonë me e madhe nuk është me injorantët, paaftësinë, korrupsionin dhe rezistencën e paligjshmërisë. Beteja jonë është me të shkuarën e cila kërkon të pengojë secilin prej jush t’i shërbej qytetarëve. Kam besim që secili prej jush do e filloj mbare këtë kurs. Policia e Shtetit ka vetëm një mision t’i shërbejë qytetareve dhe për të fituar besimin e tyre.
Kjo është pasuria më e madhe për Policinë e Shtetit dhe ne kemi detyrim te bëjmë gjithçka që të fitojmë besimin duke bërë këtë vend më të sigurt dhe më të drejtë.’’ Deklaroi ndër të tjera Ministri i Brendshëm Saimir Tahiri.
Për në kursin Bazë të Patrullës së Përgjithshme konkurruan rreth 5 mijë aplikant por vetëm 300 prej tyre patën mundësinë që të fitojnë të drejtën për të ndjekur atë.