Ministri i Brendshëm, Saimir Tahiri ka komentuar deklaratën e fortë të Ambasadës Amerikane për dështimin e negociatave për reformën në drejtësi.
Ambasada Amerikane shprehu zhgënjimin e saj me opozitën, e cila sipas tyre është tërhequr nga negociatat në momentin e fundit.
Tahiri, duke folur në një event të Policisë së Shtetit tha se ndërkombëtarët e dinë tashmë se kush e bllokon reformën në drejtësi.
Ai foli gjithashtu edhe për gjyqtarin Arjan Aliaj, që pezulloi drejtorin e Policisë, Haki Çakon për pajisjen përgjuese.
Tahiri reagoi ndaj Unionit të Gjyqtarëve dhe të Prokurorëve që reaguan ndaj Tahirit. “Po kur gjyqtarët vjedhin, lirojnë kriminelë, marrin para, ku janë këto unione, pse nuk reagojnë”, tha Tahiri.
