Saimir Tahiri doli në një konference për mediat për të treguar se hetimet ndaj tij në Itali janë mbyllur. Siç tha ai ka rezultuar se është i përfshirë në trafikun e drogës me kushërinjtë e tij Habilaj.
Po kështu ai sulmoi politikanë, analistë e ambasadorë, por me emra përmendi vetëm Berishën, Bashën dhe Monika Kryemadhin.
Ai sulmoi gjithashtu edhe prokurorinë shqiptare. Duke thënë se “janë 7 prokurorë kanë hetuar ndaj tij dhe nëse nuk mjaftojnë të bëhen 70 vetëm ta mbyllin çështjen”.
Tahiri për politikanët:
“Nuk jam thirrur një herë të vetme, do të vazhdojë të pres me besimin dhe durimin për të hetuar, se nuk jam Basha kaqol në politike e kriminel ordiner që vrau e vodhi dhe nuk u hetua, i kam denocnuar për 4 të vrarët nuk janë hetuar, nuk janë gjykuar. Dalin e thonë se Rama do mbyllë hetimin për mua, që pika nuk i bie se nuk e dinë që drejtësia e blerë qoftë edhe nga Rama është më keq se çdo gjykim.
Nuk di nëse do ketë dikush kurajën të thotë se e ka blerë unë ketë vendim, apo Edi Rama ruajna zot që të kontrollojnë prokurorinë dhe antimafian italiane.
Bilbila e kopila u bënë bashkë të më fusnin në burg dhe unë ua bëra qejfin dhe kërkova hetim nga antimafia italiane dhe ata më sollën vendimin e pushimit të hetimit. Tani eshte mbyllur gjithçka sepse nuk ka veprime të jashtëligjshme.
Dora e zezë që me paratë e oligarkëve bredh poshtë lajmeve dhe emisioneve, lëvizi fort për të thënë se letrat që tregova, ishin të fallsifikuara.
Tahiri për prokurorët:
Janë 7 prokurorë në çështjen time. Ka kaluar 1 vit. Dokumentin e Italisë e dorëzova të hënën në prokurori. Unë them ‘boll’, nuk kam më çfarë më të pres. Nëse s’dalin 7 prokurorë, bëjini 70. Deri tani është hetuar gjithçka për mua. U bë një vit që prokuroria heton, por unë s’jam thirrur asnjë herë të vetme.
*Në fund të konferences në “Rogner” e priten disa mbështetës, ku spikat një grua që i puth dorën Tahirit.
