Gjatë fjalës së saj në mbledhjen e Konferencës së Kryetarëve, deputetja e PD Jorida Tabaku u shpreh se procesi i zgjedhjes së presidentit të ri do të kujtohet si presidenti i zarfit.
Për këtë deklaratë të Tabakut reagoi kreu i Grupit Parlamentar të PS Taulant Balla i cili u shpreh se nuk është puna e opozitës se çfarë ndodh brenda grupit Parlamentar të PS.
“Unë mendoj që në fjalën time isha i qartë. Thirrja e konferencës së kryetarëve sot është njësoj si në vitin 2007, 2007, 2012. Zonja Tabaku në fjalën e saj u mor me çfarë bëjmë ne brenda nesh, por kjo na takon ne. Të krijojmë model që ata që gjërat i bëjnë në kohë të mos paragjykohen. Përgjegjshmëria e PS ka qenë që ne këtë proces ta trajtojmë në kohë. Me shpresën që pas kësaj mbledhjeje ne do ulemi dhe do flasim për presidentin e ri, të ulemi. Unë dhe për vendimin më të vogël marr propozimet e deputetëve të grupit tim. Ç’punë ke ti me procedurën që bëj unë me deputetë të grupit tim parlamentar. Mbledhja vijon më 10 maj, ke ky proces është mirë të vëmë interesin kombëtar mbi interesat e vogla”, tha Balla.
