Deputetja e Partisë Demokratike, Jorida Tabaku është takuar me Zëvendës Ndihmës Sekretarin amerikan të Shtetit, Gabriel Escobar dhe ish-ambasadoren amerikane në Shqipëri Juri Kim, gjatë një vizitë në SHBA, në Departamentin Amerikan të Shtetit.
Ky lajm është bërë i ditur nga vetë Tabaku e cila përmes një postimi në rrjete sociale shkruan se biseda mes tyre është fokusuar edhe tek forcimi i marrëdhënieve ekonomike dhe luftës kundër korrupsionit.
Tabaku thekson se aleanca dhe partneriteti mes dy vendeve janë guri i themelit për një Shqipëri demokratike.
“Kënaqësi të takohem me Yuri Kim dhe Gabriel Escobar me të cilët pata një bisedë mbi rrugëtimin e Shqipërisë në Bashkimin Europian, forcimin e marrëdhënieve ekonomike dhe luftën kundër korrupsionit. Aleanca dhe partneriteti mes vendeve tona janë guri I themelit për një Shqipëri demokratike, ku respekti ndaj sundimit të ligjit është jetik për të ardhmen që duam të ndërtojmë! “, shkruan Tabaku./Opinion.al
