Tabaku: Qeveria Rama po lë peshqesh të njejtat detyrime që thanë se do i zeronin
Përmes një postimi në rrjetin social ‘Facebook’, ish-deputetja e Partisë Demokratike Jorida Tabaku, është shprehur se qeveria Rama po u lë “peshqesh” qytetarëve të njëjtën shumë detyrimesh të prapambetura, për të cilën premtuan se do ta zeronin.
Sipas ish-deputetes, megjithëse qeveria mori kredi dhe rriti borxhin, detyrimet kanë mbetur të njejtat.
Postimi i plotë i Jorida Tabaku
Erdhën në pushtet me premtimin se do zerojnë “Detyrimet e prapambetura”.
Morën kredi dhe rritën borxhin publik me premtimin se do të zerojnë “Detyrimet e prapambetura”.
Burgosën qytetarë sepse nuk kishin paguar detyrimet karshi shtetit ndërkohë që nuk paguajnë detyrimet ndaj të tretëve.
Gënjyen, mashtruan dhe plaçkitën buxhetin e qytetarëve duke u lënë peshqesh të njëjtën shumë të detyrimeve të prapambetura që vetë u zotuan se do ta zerojnë.
Rriten borxhin e fshehur pa bërë asnjë km rrugë, pa ndërtuar një shkollë të re, dhanë çdo gjë me koncesion e PPP.
Detyrimet e prapambetura sot janë 72.3 mld lekë (620 mln euro) dhe janë kosto në kurriz të shqiptarëve që paguajnë taksat më të larta në rajon dhe kanë konsumin e ulët në rajon. Janë litar në qafë për familjarët që po shpenzojnë çdo gjë për t’u shëruar nga coronavirus ndërsa shteti është i sëmurë nga pangopësia dhe korrupsioni.
Më 25 Prill gënjeshtarëve do t’i tregohet vendi nga shqiptarët taksat e të cilëve u vodhën dhe keqpërdorën sa në PPP aq edhe në tendera. /Opinion.al
