Ministri i Punëve të Brendshme, Xhelal Sveçla ka publikuar ditën e sotme një video, në të cilën tregon se si ka ndodhur sipas tij, rrëmbimi i tre policëve të Kosovës në veri të vendit.
Përmes një postimi në Twitter, Sveçla shkruan se rrëmbimi i policëve ka qenë i planifikuar.
Ai thotë se forcat serbe me urdhër të drejtpërdrejtë nga Vuçiç kanë rrëmbyer zyrtarët në territorin e Kosovës, sipas tij 1 kilometër larg kufirit.
Ndër të tjera ministri ka theksuar se Serbia duhet të ndalojë dezinformimin dhe të lirojë policët.
“Një vepër kriminale. Videoja e mëposhtme tregon se si forcat serbe, me urdhër të drejtpërdrejtë të Vuçiçit, rrëmbyen zyrtarët tanë të PK-së, thellë në territorin e Kosovës. Saktësisht 1 km larg kufirit. Serbia duhet të ndalojë dezinformimin dhe të lirojë oficerët tanë tani”, ka shkruar ai në Twitter.
Kujtojmë që me 14 qershor, tre zyrtarë kufitarë janë rrëmbyer nga forcat serbe gjatë një patrullimi në vijën kufitare në veri të Kosovës.
Policia ka bërë të ditur se njësia policore ka qenë në detyrë thellë brenda territorit të Kosovës për të parandaluar shfrytëzimin e rrugëve ilegale. Tre policëve të rrëmbyer nga forcat serbe të premten (16 qershor) u është shqiptuar masa e paraburgimit./Opinion.al
A planned abduction. A criminal act.
The video below, shows how Serbian forces, w/direct order from Vucic, abducted our KP officials, deep w/in the territory of 🇽🇰. Exactly 1km away from the border. Serbia has to stop disinformation & release our officers now. pic.twitter.com/XAfpAAkjjt
— Xhelal Sveçla (@XSvecla) June 21, 2023
