Surprizon Enrique: “Mund të iki nga Barcelona”

Trajneri i Bercelonës, Luis Enrique, ka refuzuar sot të deklarojë se cila do të jetë e ardhmja e tij në fund të këtij sezoni, kur dhe i skadon kontrata me fanellën “Blaugrana”. Ai është kampion në fuqi në La Liga me Barcelonën, por këtë vit skuadra ka çaluar disi, ndaj dhe 46-vjeçari ka deklaruar se do të vlerësojë të ardhmen e tij në fund të sezonit. “Nuk ka asnjë dyshim që jam në skuadrën më të mirë në botë, me futbollistët më të mirë. Jam në shtëpinë time, me familjen time, duke fituar kudo dhe jam përfshirë në çdo emocion”, tha Luis Enrique për “Barca TV”. Luis Enrique: “Nuk më intereson mbajtja e topit” Trajneri i Bercelonës, Luis Enrique Por duket se nuk është vetëm sezoni me hope i Barcelonës ai që mund të ndikojë në largimin e Enrique nga stoli, por edhe presioni i madh që ai ndjen në atë detyrë. “Të jesh këtu, në këtë detyrë, është një punë e vështirë, më kushton shumë. Ndaj do të analizoj çdo faktor në lidhje me të ardhmen time. Unë jam shumë i lumtur që jam këtu, jemi të gjithë të lumtur, por të ardhmes nuk i dihet asnjëherë”, u shpreh më tej Luis Enrique, që ndodhet 3 pikë pas Real Madrid në renditje, por rivalët kanë një ndeshje më pak. Gjithsesi, deri në fund të sezonit situata mund të ndryshojë sërish e mendimet e Enrique gjithashtu.