Surprizat e motit nuk kanë fund, përgatituni për shi në fundjavë

Kjo fundjavë do të ishte edhe një prej më të nxehtave, por duket se shiu do të jetë prezent gjithashtu. Gjatë fundjavës temperaturat do të arrijnë deri në 39 gradë celsius por gjatë së shtunës një pjesë e madhe e vendit do të përfshihet nga reshjet e lehta të shiut, të cilat do të jenë më shumë të pranishme në zonat malore dhe në ato veri-perëndimore. Dita e dielë do të jetë e nxehtë ku termometri do të shënojë 39 gradë celsius. Vranësirat gjatë së dielës do të mbulojnë pjesën më të madhe të vendit, ndërsa nuk do të ketë reshje shiu.