Me dorëheqjen e Armando Prengës si deputet i PS-së në Lezhë loja e mandateve bëhet interesante. Sipas Kodit Zgjedhor mandati i kalon kandidatit pasues në listë i cili është, Kastriot Piroli, një zyrtar lokal, i cili ka qenë gjithashtu i dënuar nga gjykata me akuzën e shpërdorimit të detyrës.
Në këto rrethana, hyn në lojë pika 4 e nenit 164 të Kodit, sipas së cilit “në rastet kur është shterruar lista e kandidatëve të partisë politike, mandati i kalon partisë së koalicionit me herësin më të lartë”, shkruan analisti politik Afrim Krasniqi.
Pra nëse shterron lista e kandidatëve të PS në Lezhë atëherë mandati i kalon partisë aleate në koalicion, që është LSI-ja. Kështu, mandati i lirë mund ti kalojë kandidatit të dytë të listës shumë-emërore të LSI Lezhë, ish deputetit të Partisë Agrare rreth një dekadë më parë, Petrit Gjoni.
Ka edhe një opsion tjetër, që duket se është më i mundshmi: Deputete mund të bëhet Prena Sejdia, pasi në listën shumë-emërore të LSI është e treta dhe po të kemi parasysh faktin se për të hyrë Ndoka në Parlament u dorëhoq një grua nga lista e PS. Pra radha mund ti vijë një gruaje për të hyrë në Parlament.
Kështu, nëse mandati kalon tek LSI, më shumë se një emër dhe një votë, debat do të shkaktojë parimi, sepse për herë të parë në historinë 27 vjeçare të zgjedhjeve, mandati i një partie i kalon partisë tjetër politike. /Opinion.al
*Në foto Prena Sejdia gjatë fushatës së 2013
