Ndeshjet e turit të tretë të Champions League nuk kaluan pa surpriza. Përmbysja e rezultatit të sfidës së parë nga Monaco, apo eliminimi i Olympiacos dhe Shakhtar Donetsk ishin disa prej tyre. Monaco nuk u dorëzua pas humbjes 2 – 1 të takimit të parë në fushën e Fenerbache.
Skuadra franceze triumfoi me rezultatin 3 – 1 në përballjen e kthimit duke shkuar në play off. Hapoel Be’er Sheva largoi nga turneu Olympiacos pas suksesit 1 – 0 në Izrael.
Takimi parë ishte mbyllur pa gola. Shakhtar u largua pas goditjes së 11-metërshave në sfidën me Young Boys. Loja e rregullt dhe pjesët shtesë në Bernë u mbyllën me të njëjtin rezultat si në Ukrainë, 2 – 0. Besnik Hasi vijon garën në Champions me Legia pas barazimit pa gola me Trencin.
Takimi i parë u fitua nga ekipi polak, që drejtohet nga shqiptari. 1 – 0 Ajax arriti një kualifikim të vuajtur, duke mundur me rezultatin 2 – 1 PAOK në Selanik.
Ergys Kaçe nuk ishte as në stol. Asnjë problem për Copenhagen që kaloi me lehtësi Astra Giurgiu, pjesë e së cilës është Kristi Vangjeli, i cili e ndoqi nga stoli këtë takim. Ekipet e eliminuar kalojnë në play off e Europa League. /TV KLAN
