Skënderbeu i përgjigjet Partizanit, një ditë pasi të kuqtë e kryeqytetit triumfuan në derbin me Tiranen. Skuadra e drejtuar nga Mirel Josa mundi në transfertë 2-0 Laçin, duke thelluar sërish në katër pikë diferencën në krye të renditjes.
Sfida e javës së 24-rt e Superligës rezultoi e lehtë për kampionët në fuqi, që vulosën suksesin me nga një gol për çdo pjesë në fillim me Prognin dhe më pas me Salihin.
Në sfidat e tjera të luajtura të shtunën, Teuta mundi 1-0 Bylis, ndërsa Kukësi mundi jashtë fushe 2-1 Vllazninë.
