Një supergrabitje ka ndodhur gjatë natës në Vlorë, ku persona të paidentifikuar ende kanë rrëmbyer jo pak por 20 milionë lekë.
Ngjarja ka ndodhur në orët e natës duke u gdhirë dita e sotme. Burime nga policia kanë bërë të ditur se grabitja është realizuar në një bankomat në fshatin Novoselë të Vlorës.
“Gjatë natës në fshatin Novoselë, është vjedhur ATM (bankomati), i një banke, duke prerë derën e tij dhe kanë marrë 2 000 000 lekë”, thanë burimet zyrtare nga uniformat blu.
Këta të fundit kanë shkuar në vendin e ngjarjes dhe kanë nisur hetimet. Po punohet për identifikimin dhe kapjen e autorëve, thanë burime zyrtare nga Policia e Vlorës, ndërsa dosja i ka kaluar prokurorisë për hetimet e tjera.
