Prej më shumë se dy vitesh, moderatorja Fatma Methasani dhe shefi i kuzhinës Alfio Rrotani, arritën që ta mbanin të fshehtë marrëdhënien e tyre nga sytë e publikut. Disa javë më parë ata e bënë publike lidhjen e tyre të gjatë dhe treguan se kanë nisur bashkëjetesën.
Çifti u njohën në studiot e televizionit “InTV” aty ku punon në emisione të ndryshme, ndërsa kanë treguar për “Revista Class” se pëlqimi për njëri-tjetrin ka nisur që në takimin e parë. “Ishte koha kur, gjatë fazës së pushimeve, të gjithë moderatorët duhet të bënin një fushatë publicitare. Alfio, ndërkohë, kishte një vit që punonte në televizion me një projekt të jashtëm, InLife, xhirimet e të cilit bëheshin në një vilë nga Kalaja e Petrelës. Aty u takuam për herë të parë”, ka treguar Fatma. “Kam parë ca detaje që më bënë përshtypje, atë fjongon kështu, ajo lulja në kokë… Nuk e harroj dot ndjesinë që pata kur e pashë për herë të pare”, është shprehur Alfio, duke nënkuptuar se e ka pëlqyer Fatmën që në takimin e parë.
