Sulmuesi i kombëtares shqiptare, Rej Manaj ka zhvilluar seancën e tij stërvitore të radhës përkrah Lionel Mesit.
Media sportive spanjolle, Mundo Deportivo raporton se trajneri i ri Setien ka grumbulluar disa prej lojtarëve të Barcelona B për ndeshjen e radhës të vlefshme për e Copa del Rey përballë Leganes.
Rej Manaj, Ansu Fati, Riqui Puig, Collado dhe Inaki Penas janë grumbullimet e Setien të cilët u stërvitën bashkë me Lionel Messin, Antoine Griezmman dhe Ivan Rakitic.
Sipas medias spanjolle Manaj bëri gjithçka që të lërë përshtypje të mirë te trajneri dhe me shumë gjasa do të ketë minuta kundër Leganes.
Një mundësi mjaftë e mirë kjo për sulmuesin e kombëtares i cili u transferua këtë muaj tek Barcelona B ku mund të përfitojë një eksperiencë të radhë krah disa prej emrave më të mëdhenj të futbollit. /Opinion.al
