Sulmuesi i Barcelonës, Luis Suarez, do të qëndrojë rreth katër muaj jashtë fushës pas një operacioni në gjurin e djathtë.
Suarez kishte pësuar një dëmtim në meniskun e jashtëm të gjurit të tij dhe u operua nga të dielën.
Sulmuesi 32 vjeçar, luajti 90 minuta në ndeshjen ku Barcelona u mposht me 3-2 nga Atletico Madrid në gjysmëfinalen e Kupës Spanjolle të premten.
Suarez kreu operacion në të njëjtin gju në fund të sezonit të kaluar. Ai ka luajtur 23 ndeshje për Barcelona këtë sezon, duke shënuar 14 gola.
Katalanasit janë në krye të La Ligës pas gjysmës së sezonit dhe do të përballen me Napolin në raundin e ardhshëm të Ligës së Kampionëve.
Ata u eliminuan nga Superkupa Spanjolle pas një humbjeje 3-2 ndaj Atletico Madrid të enjten, humbje e cila ka shtuar presionin ndaj trajnerit Ernesto Valverde.
Kjo humbje, e cila erdhi pas një barazimi të befasishëm 2-2 në kampionat kundër Espanyol, ka çuar në spekulime në rritje për pozicionin e teknikut, i cili mendohet se mund të zëvendësohet nga legjenda e klubit, Xavi Hernandez. /Opinion.al
