Gjatë seancës së sotme të jashtëzakonshme të mbledhur në Kuvend për vetingun dhe miratimin e listave të gjyqtarëve deputetja demokrate, Jozefina Topalli ka marrë fjalën dhe ka sulmuar Ramën dhe Bashën se listat e vettingut janë emra të paktit të arritur mes tyre
“E vërteta është se aq sa ka pasur dhe ka pritshmëri të lartë, aq është edhe rreziku i dështimit të saj të turpshëm. Po filloj me listat që keni përpara meqë nuk guxoni të flisni. Në këtë listë ka miq të ngushtë të kryeministrit, kamikazë politikë të kryeministrit, pushtues tokash. Kanë dhënë para për të mbyllur procese gjyqësore. Këta do bëjnë vetingun. Ata që s’janë të Ramës, janë të Bashës”, tha Topalli në parlament.
