Persona të armatosur sulmuan një stacion televiziv privat në Kabul. Shumë pjesëtarë të stafit ndodhen në ndërtesë, ndërsa sulmi vazhdon. Dëshmitarët thanë se së paku tre sulmues kanë hyrë në ndërtesën e Televizionit Shamshad, i cili transmeton në gjuhën Pashto.
“I kam parë tre sulmues në kamerat e sigurisë, duke hyrë në ndërtesën e televizionit”, tha gazetari Faisal Zaland, i cili ka arritur të dalë.
Besohet që brenda godinës të ketë pasur më shumë se 100 punonjës. Nuk është ende e qartë se cilët janë personat përgjegjës për ngjarjen e rëndë, por këto muajt e fundit kryeqyteti afgan është shënjestruar në mënyrë të përsëritur nga talebanët dhe militantet e Shtetit Islamik.
