Ministria e Jashtme e Iranit është sulmuar nga Izraeli. Agjencia shtetërore iraniane e lajmeve Tasnin raporton se ministria e Jashtme e Iranit në Teheran është sulmuar nga forcat izraelite.
Nga ana tjetër, zëvendësministri i Jashtëm i Iranit, Saeed Khatibzadeh, ka akuzuar publikisht Izraelin për një “sulm të qëllimshëm dhe të pamëshirshëm” mbi një ndërtesë që i përket Ministrisë së Jashtme të Iranit.
“Disa civilë u plagosën nga sulmi, përfshirë edhe disa kolegë të mi që u transportuan me urgjencë në spital”, ka shkruar ai në një postim në rrjetin social X.
