Rezidenca private e kryeministrit Benjamin Netanyahu në Cezare u sulmua nga një dron nga Libani.
Sipas mediave të huaja, mësohet se ngjarja ka ndodhur mëngjesin e sotëm.
Lajmi është bërë i ditur nga zëdhënësi i tij, duke shtuar se kryeministri dhe bashkëshortja e tij nuk ishin në shtëpi në momentin e sulmit dhe se nuk kishte të lënduar në incident.
Dy dronë të tjerë të nisur nga Libani mëngjesin e sotëm u rrëzuan nga mbrojtja ajrore, duke shkaktuar sirena në zonën e Tel Avivit.
Sipas shërbimit izraelit të ambulancës dhe policisë shpërthime ishin dëgjuar në Cezare, qytet bregdetar ku Netanyahu ka një shtëpi pushimi.
