Të paktën 10 njerëz kanë mbetur të vdekur pasi një shpërthim bombe goditi një minibus që transportonte rekrutë për forcat afgane të sigurisë në qytetin lindor të Xhalalabad.
Bomba shpërtheu nga një karrocë pranë rrugës duke lënë të plagosur edhe 27 persona të tjerë. Mes të vrarëve dhe të plagosurve janë rekrutë dhe civilë, përfshirë një fëmijë.
Nuk kishte asnjë pretendim të menjëhershëm të përgjegjësisë e sulmit, por Xhalalabad është zonë e sulmeve të shpeshta nga Talibanët dhe Shteti Islamik i Irakut dhe Levantit (ISIL ose ISIS).
Në një deklaratë të Save the Children thuhet se çdo fëmijë i lindur dhe rritur në Afganistan në 18 vitet e fundit ka përjetuar dhe është prekur nga lufta dhe konflikti në vendin e tyre.
Bisedimet e paqes midis SHBA dhe Talibanëve, kishin ngritur shpresat për t’i dhënë fund konfliktit, por ato ndaluan papritur muajin e kaluar kur Presidenti i SHBA Donald Trump anuloi negociatat. /Opinion.al
