Autoritetet amerikane vijojnë hetimet e tyre për sulmin terrorist të së martës, ndërsa kreu i Shtëpisë së Bardhë Donald Tramp kësaj here është shprehur dhe kundër llotarisë amerikane duke kërkuar që kjo të marrë fund. Tramp u shpreh se autori i sulmit që shkaktoi tetë viktima dhe me origjinë nga Uzbekistani, kishte hyrë në territorin amerikan nëpërmjet llotarisë amerikane. Trump këmbënguli se po lufton shumë ashpër për një emigracion të bazuar në merita, dhe sistemet e llotarisë demokratike duhet të marrin fund.
Por reagimi i parë kundër kësaj deklarate është ai kryebashkiakut Bill de Blasio i cili ka kërkuar që sulmi në Manhatan të mos politizohet. Në një intervistë për CNN ai shtoi se gjëja e fundit që presidenti apo kushdo duhet të bëjë është pikërisht politizimi i tragjedisë. Dhe guvernatori i shtetit të Nju Jork Endrju Komo mbështeti qëndrimin e De Blasio duke thënë se nuk është momenti për të bërë politikë dhe as për të ushqyer urrejtjen.
Chuck Schumer aktualisht në objektivin e sulmit të presidentit amerikan është lideri i minorancës demokrate në senat, dhe është ai që ka krijuar programin i cili prej 2o vjetësh në emër të diversitetitn ofrin cdo vit, me anë të një llotarie një numër të kufizuar vizash për të emigruar në mënyrë të përhershme në Shtetet e Bashkuara të Amerikës. Ajo që njihet si llotaria amerikane fillimisht zgjedh me anë të një shorti të rastësishëm me anë të kompjuterit një numër të caktuar aplikuesish të cilët duhet të jenë të arsimuar apo të kenë një eksperiencë pune më shumë se dy vjecare në pesë vitet e fundit.
