Ministria e Brendshme e Turqisw ka njoftuar se wshtw identifikuar një nga dy terroristët përgjegjës për sulmin e së dielës në kryeqytetin turk Ankara.
Terroristi i PKK-së, Hasan Oğuz, me emrin e koduar Kanivar Erdal, u identifikua si rezultat i hulumtimit dhe analizës së ADN-së, tha ministria në një deklaratë.
Përpjekjet dhe hetimet për të identifikuar terroristin tjetër po vazhdojnë, shkruan Anadolu.
Në orën 9:30 të mëngjesit me kohën lokale të dielën, një sulmues vetëvrasës terrorist hodhi veten në erë përpara Drejtorisë së Përgjithshme të Sigurisë.
Dy policë pësuan lëndime të lehta, ndërsa terroristi tjetër u vra nga forcat e sigurisë në hyrje.
Në fushatën e saj terroriste më shumë se 35-vjeçare kundër Türkiyes, PKK ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.
Grupi militant i Partisë së Punëtorëve të Kurdistanit (PKK) mori përgjegjësinë për sulmin me bombë, i cili bëri që Turqia të kundërpërgjigjet.
ÇFARË ËSHTË PKK?
PKK është një grup militant i themeluar nga Abdullah Ocalan në Turqinë juglindore në vitin 1978 me një ideologji të bazuar në idetë marksiste-leniniste.
Ai filloi kryengritjen e saj kundër shtetit turk në vitin 1984 me qëllimin fillestar të krijimit të një shteti të pavarur kurd. Më pas, ajo moderoi qëllimet e saj për të kërkuar të drejta më të mëdha kurde dhe autonomi të kufizuar në Turqinë juglindore.
PKK është e listuar si një organizatë terroriste nga Ankaraja, Shtetet e Bashkuara dhe Bashkimi Evropian./Opinion.al
