Presidenti i Republikës, Bajram Begaj ka folur për sulmin terrorist të 24 shtatorit në veri të Kosovës nga një grup i armatosur serb, të cilët vranë edhe një nga efektivët e policisë.
Për emisionin “Opinion”, Begaj thotë se qëllimi i këtij sulmi ka qenë që Kosova dhe Serbia të mos arrinë një marrëveshje. Presidenti nuk përjashtoi dhe mundësinë e aktorëve të tretë që duan destabilizimin e rajonit dhe Europës.
Begaj: Unë mendoj që objektivi ka qenë që mos të vazhdohet me marrëveshjen dhe që të dyja palët të pretendojnë se dikush është fajtor.
Fevziu: A ka informacione që mund të jetë e përfshirë dhe Rusia?
Begaj: Natyrisht që kjo është një ngjarje në hetim, mund të ketë aktorë të tretë për të destabilizuar rajonin, Kosovën, por duke destabilizuar këto të dyja destabilizohet e gjithë Europën.
Fevziu: A kishin informacione struktura tona inteligjente qoftë të drejtpërdrejtë apo përmes partnerëve.
Begaj: Zhvillimet e rajonit, sidomos të veriut të Kosovës kanë qenë në fokus të informacioneve që merren nga institucionet që janë përgjegjëse dhe nga organizatat ndërkombëtare që veprojnë në Kosovës hde janë përgjegjëse për sigurinë dhe stabilitetin e Kosovës.
Fevziu: Cili ka qenë reagimi juaj i parë për ngjarjen?
Begaj: Unë po kthehesha nga Nju Jorku dhe kur mora informacione më duhej të bëja një deklaruim publik dhe të mbështesja Kosovën në çdo rrethanë dhe i bëja thirrje komunitetit ndërkombëtar që të bënte një presion që të dënonte këtë lloj akti terroristë që i tejkalonte caqete një akti terrorist.
