Pas tragjedisë së Zelandës së Re, ISIS kërcënon se do të sulmojë kishat për të vënë në vend drejtësinë. “Do t’jua shkaktojmë shumë shpejt humbjen, askush nuk do të shpëtojë. Përgjigja po vjen”, shkruhet në një armë mbi flamurin e ISIS-it. Mesazhi është shpërndarë në Telegram, në mënyrë të ngjashme me mesazhin e dhënë në Twitter nga Brenton Tarrant, përpara sulmit mbi xhamitë në Zelandën e Re.
Nga ana tjetër, përgjegjësja e Facebook në Zelandën e Re, Mia Garlick, ka thënë se gjatë 24 orëve pas ngjarjes që i mori jetën 50 personave, janë fshirë 1,5 milionë video të sulmit nga Facebook dhe 1,2 milionë video janë bllokuar gjatë kohës që po shpërndaheshin.
Ndërkohë, në Romë Papa Françesku është lutur për vëllezërit myslimanë, duke bërë apel kundër dhunës fetare dhe racore. “Lutem për të vdekurit dhe për të plagosurit, për familjet e tyre dhe jam pranë me vëllezërit myslimanë. I ftoj të bashkohemi në lutje dhe me gjeste paqeje, kundër urrejtjes dhe dhunës”, ka thënë Papa./Opinion.al
