Ngjarja e së dielës ka rritur tensionet mes Kosovës edhe Serbisë. Nëpërmjet një postimi në rrjetet sociale, kryeministri i Kosovës shprehet se agresioni serb në veri të Kosovës është rritur që para dy viteve.
Kurti shkruan se në këtë kohë, Serbia dërgoi avionë dhe ambasadorin rus në kufi për të frikësuar Kosovën. Që nga ai moment, shkruan Kurti, agresioni është intensifikuar.
Kryeministri i Kosovës zotohet duke thënë se vendi i tij është i vendosur për të mbrojtur demokracinë dhe sundimin e ligjit.
“Dy vjet më parë, Serbia dërgoi avionë luftarakë MiG-29 dhe Ambasadorin e Rusisë në kufirin tonë për të na frikësuar. Që atëherë, dhuna dhe agresioni i tyre është intensifikuar. Por ne mbetemi të vendosur në angazhimin tonë për të mbrojtur demokracinë dhe sundimin e ligjit në të gjithë Republikën e Kosovës”,-shkruan Kurti. /Opinion.al
