Nabil Fadli, 28-vjeçari i lindur në Arabinë Saudite, që u vetëhodh në erë të martën, duke vrarë 10 persona dhe plagosur 15 të tjerë, në sheshin “Sulltanahmet” ka pasur disa bashkëpunëtorë.
Policia turke njoftoi se Fadli kishte hyrë në Turqi nga Siria si azilkërkues dhe ishte regjistruar në qendrat e emigrantëve më datë 5 Janar, madje duke lënë shenjat e gishtërinjve, ç’ka përshpejtoi edhe procesin e identifikimit të tij.
Zyrtarët e anti – terrorit turk thanë se 28 – vjeçari kishte deklaruar gjithashtu edhe një adresë, ku sëbashku me 4 persona të tjerë kishte ndenjur vetëm pak ditë, përpara se të humbte gjurmët.
Shërbimet inteligjente turke janë vënë në kërkim të këtyre personave, që shoqëruan kamikazin. 9 prej viktimave ishin turistë gjermanë.
Ndërkaq policia turke bën të ditur se ka arrestuar 3 shtetas rusë në Antalia, të dyshuar si të lidhur me Shtetin Islamik.
Sipas agjencisë turke “Anadollu”, ata akuzohen se kanë mbështetur xhihadistët, por nuk është e qartë nëse kanë marrë pjesë në masakrën e Stambollit.
Alarmi në Turqi mbetet i lartë, muajin e fundit shërbimet sekrete vendase kanë dhënë disa alarme për sulme terroriste në qendrat turistike dhe vende të populluara. Sulmi në Stamboll, gazeta e Erdogan akuzon Putinin
