Shkarkohet kryetari i Bashkisë së Vaut të Dejës, Zef Hila. Lajmi është bërë i ditur nga ministri Brendshëm Sandër Lleshaj, i cili tha se ka propozuar shkarkimin e tij pas sulmit në KZAZ-në e vendosur në shkollën e mesme bujqësore të Bushatit.
Për këtë sulm janë arrestuar 15 persona, mes tyre edhe vëllai i kryetarit të Bashkisë, 51-vjeçari Alfred Hila. Ky është rasti i dytë brenda pak ditesh i diegies së KZAZ-ve. Javën e kaluar, mbështetës te opozitës dogjën një nga tre KZAZ-të e Bashkisë Shkodër.
Bashkitë që drejtohen nga të djathtët kanë paralajmëruar se nuk do të lejojnë zhvillimin e votimeve në mjediset që administrohen prej tyre.
Ata i kanë kërkuar Komisionit Qendror të Zgjedhjeve dhe policive vendore që të lirojnë këto mjedise pasi, sipas tyre, Presidenti Meta ka çdekretuar tashmë datën e zgjedhjeve dhe se çdo veprim tjetër është i paligjshëm./ Opinion.al
