Qendra e Komisionit Zonal të Administrimit të Zgjedhjeve (KZAZ) në Bushat të Vaut të Dejës është përfshirë nga flakët mbrëmjen e sotme. Mbështetës të opozitës i kanë vënë zjarrin KZAZ-së që ndodhet tek Shkolla Profesionale “Ndre Mjeda”.
Kryeministri Edi Rama e ka cilësuar këtë ngjarje një shfaqje të dëshpëruar të opozitës dhe një përpjekje për të marrë peng zgjedhjet.
“Sulmi mbi KZAZ e Vaut të Dejës është shfaqja e egër e dëshpërimit të L.Bashës, M.Kryemadhit, I.Metës dhe S.Berishës, nga fundi i sigurtë me turp ditën e dielë i aventurës së tyre antikombëtare, për të marrë peng zgjedhjet që të marrin peng Shqipërinë #Ndëshkimi do jetë shembullor
As kjo shfaqje turpi dhe asnjë shfaqje tjetër e këtij lloji, nuk e ndal dot më gremisjen e të katër aventurierëve në gropën që hapën për këtë popull e për këtë vend! Kush prek zgjedhjet për llogari të tyre do përballet me të gjithë forcën e ligjit dhe pasojat e paralajmëruara” shkruan Rama në Twitter. /Opinion.al
