Ministri Tahiri ka reaguar nga foltorja e Kuvendit për atentatin në Elbasan një ditë më parë dhe akuzat e opozitës për përfshirje të Ministrit në lidhje me bandat kriminale.
Sipas tij, ngjarja e Elbasanit ka një histori 10 vjeçare, por që për fat të keq ka vetëm dy të dënuar.
Tahiri i ka kërkuar opozitës që të mos bëjë akuza për përfitime politike.
“Akuzat për vrasjet në Elbasan po i bëni për përfitime, ju s’keni limite. Nuk kam nerva të merrem me akuzat tuaja. Shkoni në prokurori, jam gati të përgjigjem para ligjit”, tha Ministri i Brendshëm.
Tahiri shtoi se “për çdo ngjarje kriminale, autori nuk është ministri, por një kriminel që duhet dënuar nga të gjithë pa dallim partiak”./a.h
