Tragjedia në Berlin ku një refugjat vodhi një kamion dhe sulmoi tregun e krishlindjeve është një ngjarje që krijon panik në gjithë Europën dhe SHBA.
Por a kane patur dijeni shërbimet inteligjiente?- shkruan Independent.
“Po. Zyra e Jashtme e Britanisë e përshkruan Gjermaninë si vend me një kërcënim të lartë nga terrorizmi. Tregjet e Krishtlindjeve të gjithë Evropën janë identifikuar si objektiva, për shkak të simbolikës së tyre të krishterë, por më shumë për shkak se janë të mbushura me njerëz të pambrojtur në këto ditë festash”, vijon analizën e saj Independent.
Nga ana tjetër, Departamenti amerikan i Shtetit paralajmëroi muajin e kaluar se: “Terroristët mund të përdorin një shumëllojshmëri të gjerë të taktikave, si armë konvencionale dhe jo konvencionale. Një kamion përfaqëson një ‘armë’ të pazakontë, por shumë vdekjeprurëse. “Evropa Travel Alert tha se i ashtuquajturi Shtet Islamik, Al-Qaeda, dhe bashkëpunëtorët e tyre vazhdojnë të planifikojnë sulme terroriste në Evropë, me fokus sezonin e festave.
Ky sulm i fundit, në zemër të Gjermanisë, tregon rrezikun e madh që na kanoset. Kësisoj, ndërtesat kryesore në shumë vende, nga ministritë e qeverisë në stacionet hekurudhore duhet të kenë pengesa të përhershme anti-kamion.
Por a ka rrezik për të lëvizur këto ditë?
Ngjarja e Berlinit bën që shumë njerëz të hezitojnë të udhëtojnë këto ditë. Independent shkruan se rreziqet mbeten të ulta, por natyrisht, udhëtarët duhet të dëgjojnë paralajmërimet e autoriteteve dhe ti kushtojne vëmendje këshillave për të qenë të sigurt.
Ndërkohë vrasja e ambasadorit rus në Ankara ka rritur shqetësimet për të udhëtuar për në Turqi. Për udhëtarët britanikë, udhëzimi i Zyrës së Jashtme mbetet i njëjtë: “Sulmet kanë gjasa të synojnë autoritete dhe institucione shtetërore, megjithatë, është e mundshme që disa sulme do të synojë dhe turistët nga vendet perëndimore, veçanërisht në qytetet e mëdha”.
Deri tani nuk ka fluturime të anuluara, në asnjë destinacion, përfshirë dhe Berlinin, shkruan Independent. Përshtati: Opinion.al
