Pas sulmit me armë pranë banesës së babait të gazetares Klodiana Lala, mes reagimesh të shumta nuk ka munguar edhe ai i Presidentit të Republikës Ilir Meta. Nëpërmjet një bisede telefonike, Meta ka dënuar ashpër këtë sulm, duke shprehur solidaritetin e tij me gazetaren.
Presidenti Meta e inkurajoi të vijojë misionin e saj, pa u trembur dhe shantazhuar nga askush.
“Po kështu inkurajoj organet e sundimit të ligjit të hetojnë në mënyrë të plotë dhe shteruese, këtë ngjarje të rëndë, e të venë para ligjit këdo që qëndron pas saj.
Liria e medias është kusht i pazëvendësueshëm për garantimin e të drejtave të njeriut në një shoqëri demokratike”, – nënvizoi Presidenti Meta.
