Një ngjarje e rëndë ka ndodhur ditën e sotme në Pragë. Një 24-vjeçar i identifikuar si David Kozak ekzekutoi me armë zjarri 15 persona dhe plagosi 30 të tjerë në Universitetin e Arteve.
Lidhur me këtë ngjarje ka reaguar ambasada shqiptare në Pragë për “News24”, duke deklaruar se nuk ka asnjë shqiptarë mes viktimave apo mes të plagosurve.
Ndërkohë mësohet se në këtë Universitet ndodhej edhe një pedagoge nga Shqipëria, por fatmirësisht nuk është lënduar.
Për ngjarjen ka reaguar edhe Ministria e Jashtme e Shqipërisë.
“Ministria për Evropën dhe Punët e Jashtme është në kontakt të vazhdueshëm me ambasadën e Republikës së Shqipërisë në Pragë. Nga informacionet e deritanishme, nuk raportohet për të lënduar me shtetësi shqiptare”, njofton ministria.
