Sulmi me armë zjarri në banesën e Denis Shtrazës në Lagjen nr. 1 të qytetit të Durrësit ka sjellë edhe plagosjen ne kokë të nipit të tij, vogëlushit Rei.
Dëshmitari dhe fqinji i familjes Shtraza, Llambi Kallço ka reaguar përmes një postimi në “Facebook” për ngjarjen në fjalë.
“Natën krismat zgjuan të gjithë pallatin, i tmerruan njerëzit, lagjen dhe qytetin. Një dorë e panjohur, për hir të konflikteve me të tjerë, qëlloi edhe në drejtim të shtëpisë së Reit, që ishte në gjumë, raporton panorama.
Plumbi rikoshet e goditi vogëlushin pranë kokës, pa mëshirë, pa moral, pa më të voglën ndjenjë njerëzore. Rei i përgjakur u dërgua në spital duke paguar haqet e të tjerëve. Mëngjesi ishte i frikshëm për të gjithë, Rein që e donin të gjithë në lagje, tani lufton me vdekjen. Rein e donin të gjithë, është i dashur, i rrahur me jetën”, shkruan ndër të tjera Kallço.
