Kryeministri Edi Rama ka reaguar lidhur me sulmin me armë në Pragë, ku humbën jetën 15 persona dhe 30 të tjerë u plagosën.
Nëpërmjet një postimi, në rrjetet sociale, kreu i qeverisë shpreh ngushëllime për familjarët e viktimave, teksa thotë se Shqipëria dënon ashpër dhunën dhe sulmin e tmerrshëm.
“Sulmi i tmerrshëm në Universitetin Charles në Pragë na ka tronditur të gjithëve. Ngushëllimet e mia shkojnë për familjet e viktimave. Shqipëria dënon ashpër dhunën vdekjeprurëse dhe qëndron pranë miqve të saj çekë në këtë kohë të vështirë”,-shprehet Rama.
