Së paku 19 ushtarë janë vrarë nga një sulm në një bazë ushtarake në Jemen nga grupi terrorist Al-Qaeda.
Sulmi ndodhi në një bazë të forcave të sigurisë në Jemen, të cilat mbështeten nga Emiratet e Bashkuara Arabe, një anëtare e koalicionit arab, që lufton me rebelët Huthi.
Kampi i fshatit Al Mahfad u pushtua nga militantët por disa orë më vonë, aty u rivendosën forcat e sigurisë së Jemenit.
Një ditë më parë, nga shpërthimi i një bombe në një bazë ushtarake në qytetin Aden, humbën jetën 13 policë të forcave të jemenit.
Grupi ekstremist Shteti Islamik e mori përgjegjësinë për sulmin.
Sipas OKB mbi 7,000 civilë janë vrarë që nga fillimi i konfliktit.
Rebelët Huthi në fund të vitit 2014 rrëzuan qeverinë e njohur ndërkobtarisht të Jemenit. Për këtë arsye koalicioni i vendeve arabe ndërhyri më 2015, në përpjekje për ta rivendosur atë në pushtet
Konflikti është parë si një luftë ndërmjet Arabisë Saudite dhe Iranit, i cili mohon të ketë ndonjë përfshirje në Jemen. /Opinion.al
