Gjatë një konference për mediat në Hagë, presidenti i SHBA-së, Donald Trump bëri një krahasim mes sulmeve ajrore amerikane ndaj Iranit dhe vendimit historik të SHBA-së për të hedhur bombat atomike mbi Hiroshimë dhe Nagasaki gjatë Luftës së Dytë Botërore.
“Por, po të mos kishim pasur sukses me atë goditje? Ajo goditje i dha fund luftës. Ajo goditje i dha fund luftës. Nuk dua të përdor shembullin e Hiroshimës, nuk dua të përdor shembullin e Nagasakit, por në thelb ishte e njëjta gjë që i dha fund asaj lufte. Kjo i dha fund kësaj. Kjo i dha fund kësaj lufte. Po të mos e kishim eliminuar atë, ata do të ishin ende duke luftuar tani”, deklaroi Trump.
Më tej, duke iu referuar Iranit dhe programit të tij bërthamor, Trump u shpreh se shpenzuan shume para, por nuk ia dolën për armë bërthamore.
