Rriten masat në aeroportin ndërkombëtar të Rinasit pas ngjarjes tragjike të Stambollit. Përmes këtyre fotove të publikuara nga To Channel shohim se ka nisur kontrolli me qen antieksploziv në aeroportin “Nënë Tereza”. Gjithashtu është shtuar numri i forcave të policisë në të vetmin aeroport në vend.
Ndërkohë, “Turkish Airlines” që u nis nga “Rinasi” si çdo mbrëmje drejt Aeroportit “Ataturk” të Stambollit u ul në vetëm pak çaste pas shpërthimit atje në orën 23:12 sipas orës lokale të së martës.
Në këtë avion ishte edhe një delegacion i qeverisë shqiptare, pjesë e të cilit kryeministri Edi Rama dhe ministri i Financave, Arbe Ahmetaj, të cilët do të zhvillojnë një vizitë zyrtare në Ankara të mërkurën. Rama përmes një statusi në rrjetet sociale tha se “jam mirë dhe do të vazhdojë sot takimet zyrtare”.
