Autoritetet austriake arrestuan dy francezë, me origjinë algjeriane dhe pakistaneze, të lidhur me anëtarët e grupit që kreu sulmet terroriste, muajin e kaluar në Paris.
Lajmi u publikua në gazetën austriake“Kronen Cajtung” (Kronen Zeitung), sipas të cilës dy francezët, që kishin hyrë në Austri në muajin tetor -u arrestuan në një qendër për emigrantët në qytetin perëndimor, të dyshuar si anëtarë të organizatës terroriste që kryen sulmet në Paris”.
Zëdhënësi i Prokurorit të Salzburgut i tha AFP-së se “dy të arrestuarit kishin ardhur nga Lindja e Mesme. Ata kishin paraqitur dy pasaporta false siriane, kishin udhëtuar nga Greqia përmes “rrugës së Ballkanit” deri në Austri…
Gazeta austriake “Kronen Cajtung” shkruan se “informatat që quan në arrestimin e tyre erdhën nga një agjenci e huaj, e shërbimeve sekrete”.
