Vetëm gjatë muajit gusht në SHBA kanë mbetur të vrarë 53 persona, rasti më i fundit ishte ai i para dy ditëve Odesa të Teksasit, ku gjatë një sulmi me armë mbetën të vdekur shtatë persona.
Incidenti në perëndim të Teksasit ka shënuar sulmin e 38-të masiv me armë zjarri në SHBA gjatë këtij viti. Sipas Departamentit amerikan të Shtetit, gjatë vitit 2019 kanë mbetur të vdekur për shkak të sulmeve masive 205 persona.
E përditshmja amerikane, Neë York Times ka thënë se nuk ekziston ndonjë definicion i vrasjeve masive, mirëpo Departamenti amerikan i Drejtësisë i përkufizon ato “me tri apo më shumë viktima brenda aktit” të vrasjes.
Teksasi, ligjet e të cilit nuk konsiderohen të ashpra për armëmbajtje, është përballur me katër prej sulmeve më të përgjakshme në muajin gusht. Më 3 gusht, një i ri ka vrarë 22 persona dhe ka plagosur 26 të tjerë në një dyqan në El Paso, qytet me shumicë të popullatës hispanike.
Guvernatori i Teksasit, Greg Abbott ka thënë se sulmet masive me armë zjarri kanë vrarë gati 70 persona në Teksas nga viti 2016. Pas sulmit të fundit, ai ka bërë thirrje për ligje më të ashpra për kontrollin e armëve.
“Kam qenë në shumë ngjarje të tilla”, ka thënë ai teksa ka përmendur katër sulmet që kanë ndodhur në këtë vend. Jam lodhur me vdekje, shumë banorë të Teksasit po vuajnë”, ka thënë Abbott./ Opinion.al E.Xh.
