Ministri i Jashtëm Igli Hasani ka reaguar pas sulmeve me dronë të Iranit ndaj Izraelit. Në një postim në rrjetet sociale, ministri thotë se vendi ynë e dënon ashpër këtë sulm.
Hasani shkruan se përshkallëzimi konfliktit është një kërcënim i rëndë për sigurinë e Izraelit dhe të gjithë rajonit.
Sipas tij, këto sulme rrezik, paqëndrueshmëri dhe shkatërrim më të madh në të gjithë Lindjen e Mesme. Ministri i Jashtëm shkruan me tej; “Këshillojmë shqiptarët në këtë rajon, të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë.”
Postimi i ministrit Igli Hasani
Shqipëria dënon ashpër sulmin e Iranit ndaj Izraelit.
Ky përshkallëzim është një kërcënim i rëndë për sigurinë e Izraelit dhe të gjithë rajonit. Rrezikon të sjellë paqëndrueshmëri dhe shkatërrim më të madh në të gjithë Lindjen e Mesme.
Këshillojmë shqiptarët në këtë rajon, të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë.
