Zyra e shtypit të Hamasit ka thënë se 70 persona, kryesisht gra dhe fëmijë, janë vrarë në një sulm ajror izraelit ndaj autokolonave që po largoheshin nga qyteti i Gazës.
Mediat thotë se makinat u goditën në tre vende ndërsa po shkonin në jug nga qyteti i Gazës. Nuk ishte e qartë menjëherë se kush ishte objektivi i sulmeve ajrore, apo nëse kishte militantë në mesin e pasagjerëve.
Ushtria urdhëroi banorët të evakuonin qytetin herët të premten përpara një pushtimi të pritshëm tokësor.
Mijëra palestinezë u larguan për në Gazën jugore në kërkim të strehimit pasi Izraeli i paralajmëroi ata që të evakuoheshin përpara një ofensive të pritshme tokësore kundër Hamasit në hakmarrje për sulmin më vdekjeprurës në historinë e Izraelit.
Një zëdhënës i Ministrisë së Brendshme në Gaza tha për Al Jazeera se:
“Nuk ka asnjë vend të shenjtë këtu, kjo gjë është e dukshme nga sulmi ndaj automjeteve që transportonin civilë të evakuuar.”
Gati 1,800 banorë të Gazës, shumica prej tyre civilë dhe duke përfshirë mbi 580 fëmijë, janë vrarë në valët e sulmeve me raketa, tha ministria palestineze e shëndetësisë./Opinion.al
