Një ngjarje e rëndë është regjistruar në Kanada. Mësohet se person i armatosur, i veshur si polic vrau të paktën 16 persona, përfshirë një oficer policie, në provincën e Nova Skocisë, njoftoi policia kanadeze. Policia paralajmëroi se mund të ketë më shumë viktima, ndërsa për sulmuesin tha se ka vdekur.
Sipas policisë, autori i vrasjeve Gabriel Wortman, një 51 vjeçar më profesion dentist i ka shënjestruar viktimat e para dhe më pas ka qëlluar njerëz të rastësishëm.
Më herët, autoritetet deklaruan se i dyshuari po drejtonte një makinë policie. Sulmuesi vrau njerëz në disa vende në të gjithë rajonin, që do të thotë se autoritetet po përpiqeshin të përcaktonin numrin e saktë të viktimave.
Një zyrtare policore, Brenda Lucki tha se personi i armatosur kishte një motiv fillestar për krimin. Kryeministri kanadez, Justin Trudeau, e përshkroi ngjarjen si “një situatë të tmerrshme”.
Policia e Nova Skocisë e identifikoi sulmuesin e pretenduar si 51-vjeçarin Gabriel Wortman.
Të shtënat masive janë të rralla në Kanada ku ligjet e pronësisë së armëve janë të rrepta.
