Të paktën dy persona humbën jetën dhe 6 të tjerë u plagosën nga të shtënat me armë zjarri në qendër të Auckland, Zelanda e Re, disa orë përpara ndeshjes hapëse të Kupës Botërore të futbollit për femra në qytet.
Kryeministri Chris Hipkins tha se turneu i futbollit do të vazhdonte siç ishte planifikuar, duke shtuar se të shtënat dukej se ishin veprime të një individi dhe se policia nuk po kërkonte askënd tjetër në lidhje me incidentin.
Nuk do të kishte asnjë ndryshim në nivelin e kërcënimit të sigurisë në Zelandën e Re, megjithëse do të kishte një prani të shtuar të policisë në qytet, tha ai.
Auckland ka mirëpritur mijëra lojtarë dhe turistë ndërkombëtarë për Kupën e nëntë të Botës për Femra, e cila po bashkëorganizohet nga Australia dhe Zelanda e Re.
Autori i armatosur nuk është identifikuar zyrtarisht, por besohet të jetë një mashkull 24-vjeçar i cili ishte i punësuar në kantierin ku ndodhi të shtënat, tha komisioneri i policisë Andrew Coster në një konferencë shtypi.
Ai shtoi se autori kishte qenë i armatosur me një armë gjahu kur mbërriti në një kantier ndërtimi në Queen Street të premten në mëngjes, përpara se të gjendej i vdekur pak kohë më vonë.
Nga të shtënat u plagosën një oficer, si dhe katër pjesëtarë të publikut.
Ekipet e futbollit nga Zelanda e Re, Norvegjia, Italia, SHBA, Vietnami dhe Portugalia dihej se ishin në qytet kur ndodhën të shtënat.
“FIFA është informuar se ky ishte një incident i izoluar që nuk kishte lidhje me operacionet e futbollit dhe ndeshja hapëse sonte në Eden Park do të vazhdojë siç ishte planifikuar”, tha FIFA në një deklaratë për Reuters.
Ndeshja hapëse do të zhvillohet mes Zelandës së Re dhe Norvegjisë në Eden Park të qytetit. Ministri i Sportit, Grant Robertson tha se do të ketë polici shtesë në zonë për siguri.
Kupa e nëntë e Botës për Femra po bashkëorganizohet nga Zelanda e Re dhe Australia./Opinion.al
