Deputeti i Partisë Demokratike, Dashnor Sula ka reaguar pas deklaratave që kryeministri Edi Rama ka bërë lidhur me SPAK.
Përmes një postimi në rrjete sociale, Sula thotë se Rama dikur ‘trumbetonte’ me të madhe patronazhistët e Partisë Socialistë, ndërsa sot është kundër Strukturës së Posaçme Antikorrupsion.
Sipas tij deklaratat e Ramës janë skandaloze, pasi SPAK duhet të vijojë punën në terren për zgjedhjet parlamentare të 11 majit edhe për dosjet e krimit elektoral.
““Mos bëni si bëj unë dhe bëni si them unë”.
Ky është kryeministri Edi Rama, i cili trumbetonte me të madhe patronazhistët e Partisë Socialistë, ndërsa sot është kundër Strukturës së Posaçme Antikorrupsion që ka zbritur në terren për krimet zgjedhore.
Për Edi Ramën është krenari të nxjerrësh patronazhistët dhe të intimidosh qytetarët, administratën shtetërore me vendin e punës. Madje është arritje e madhe partisë së tij që nuk lejon proces të rregullt zgjedhor, duke përdour patronazhistët dhe bandat, por është lajthitje detyra e SPAK për task-forcën kundër krimit zgjedhor.
Deklarata e sotme e Edi Ramës është skandaloze. SPAK duhet të vijojë punën në terren për zgjedhjet parlamentare të 11 majit, ashtu edhe për dosjet e krimit elektorale të cilat nuk duhet të amnistohen, por të hetohen deri ne fund”, shkruan Sula.
