Një vajzë 22 vjeçare është vrarë në qendrën e pritjes për azilkërkuesit e rinj në Suedi.
Vajza, emri i së cilës nuk bëhet ende i ditur, u godit me thikë dhe për pasojë ndërroi jetë në spital. Policia ka marrë në pyetje një emigrant 15 vjeçar, i dyshuar si autor i ngjarjes.
Pas këtij incidenti, autoritetet zhvendosën të gjithë rezidentët e strehës nga mosha 14 deri në 17 vjeç.
Në vendngjarje mbërriti edhe kryeministri Stefan Lofven, i cili tha se “shumë njerëz në Suedi janë të shqetësuar se mund të ketë edhe raste të tjera të kësaj natyre, pasi në vendin tonë kanë mbërritur shumë fëmijë e të rinj të pashoqëruar”.
