Autoritetet dhe komunitetet anembanë Emirateve të Bashkuara Arabe po pastrojnë vendin, pasi një shi i rrëmbyeshëm vrau të paktën një person dhe shkaktoi dëme në shtëpi dhe biznese.
Më shumë se 140 milimetër shi ra gjatë vetëm 12 orëve të fundit në Dubai që sipas meterologëve, kjo sasi reshjesh zakonisht regjistrohet në një vit të tërë.
Kjo ishte më së shumti që nga fillimi i regjistrimeve në vitin 1949, përpara se vendi të themelohej në 1971.
Aeroporti Ndërkombëtar i Dubait, një nga më të ngarkuarit në botë, tha se po përballej me ndërprerje të fluturimeve nga reshjet e shirave.
Pasagjerët që niseshin nga Dubai u këshilluan të mos shkonin në aeroport dhe të kontrollonin statusin e fluturimit me kompaninë e tyre ajrore.
Emirates tha se pasagjerët që ishin tashmë në tranzit do të paralajmërohen se duhet të priten vonesa në nisje dhe mbërritje.
Mediat lokale raportuan se një burrë i moshuar nga Emiratet rreth të 70-tave vdiq të martën në mëngjes kur automjeti i tij u përfshi nga përmbytjet e shpejta në Emiratin Ras Al Khaimah, në veri të vendit.
Në Omanin fqinj, 19 njerëz vdiqën, duke përfshirë nxënës të shkollës pas tre ditësh radhazi me shi të dendur.
Times of Oman raportoi se më shumë shi pritej të mërkurën.
Mediat e Emirateve të Bashkuara Arabe dhe postimet në rrjetet sociale treguan dëme të konsiderueshme nga shirat e rrëmbyeshëm në disa pjesë të vendit, duke përfshirë rrugët e shembura dhe shtëpitë e përmbytura nga uji./Opinion.al
